P0521: حساس ضغط الزيت يكذب — كيف تكشف الكذبة قبل احتراق الموتر

في أحد الأيام في الرياض، اتصل عليّ واحد من الشباب صوته يرجف: "يا معلم طلعت لي رسالة بالشاشة (Low Oil Pressure - Turn Engine Off) وأمبير الزيت طاح للصفر! طفيت الموتر على جنب وش السواة؟ المكينة بتخبط؟".

قلت له: "اسحب العيار، الزيت ناقص؟". قال: "لا، فل ونظيف!". قلت له: "شغل الموتر ثواني، تسمع صوت طقطقة بلوف أو حديد يضرب ببعض؟". قال: "لا، صوت المكينة ناعم زي العسل". هنا ضحكت وقلت له: "توكل على الله وامش للورشة، موترك سليم بس حساس الزيت جالس يكذب عليك!".

سر المهنة اللي يخفونه عنك في الصناعية: في سيارات جنرال موتورز (تاهو، يوكن، سييرا) وكثير من السيارات الثانية، حساس ضغط الزيت تحته "فلتر صغير" (شخال) بحجم الإصبع. مع الوقت يتراكم فيه الكربون ويقفل، فيصير الحساس ما يقرأ ضغط الزيت صح ويعطيك إنذار كاذب. للأسف بعض الورش تستغل جهل الزبون وتقوله "طرمبة الزيت ودعت" ويخسّره آلاف الريالات، بينما الحل تنظيف أو تغيير فلتر بـ 15 ريال!